十條做工程最常問嘅實務問題，由揀公司形式講到買公司車。
呢個行業，答案好一面倒：有限公司。
理由唔係稅，係責任。
工程係少數會出現嚴重人身意外嘅行業。一旦有工人受傷，賠償金額可以好大。
| 無限公司（獨資／合夥） | 有限公司 | |
|---|---|---|
| 責任範圍 | 東主承擔無限責任 | 公司責任，與個人分開 |
| 賠唔起會點 | 債務跟住你個人，破產都未必還得清 | 公司資產賠完，可考慮清盤 |
| 受傷工人 | 向東主追討 | 除保險外，另有僱員補償援助機制可循 |
| 每年審計 | 唔需要 | 必須 |
| 成立及維持成本 | 低 | 較高 |
有限公司每年嗰筆審計費，本質上就係買呢份責任隔離。 對於一個做工程嘅老闆嚟講，呢個係全年最抵嘅一筆支出。
⚠️ 但有限責任唔係萬能——董事本身如果涉及疏忽或違反法定責任，仍然可能要負個人責任。
開得到。
《公司條例》第 658 條要求每間公司有一個香港註冊辦事處——實體地址、可實際接收文件、唔可以係郵政信箱。但呢個地址唔一定要係你自己租嘅地方。
用持牌公司秘書服務提供者（TCSP）嘅地址做註冊辦事處，係香港最普遍嘅安排之一，亦係完全合法嘅。我哋手上有唔少工程客戶都係咁做。
揀嗰陣值得查兩樣：對方有冇 TCSP 牌照（可以喺 tcsp.cr.gov.hk 免費查），同埋佢收到政府信會幾時、點通知你。第二樣好多人唔問，但係最實際。
唔會直接開唔到，但過程會比有實體地舖嘅公司繁複啲。
銀行審批公司戶口，本質係一次盡職審查。地址只係其中一項，而且唔係最重要嗰項。銀行更加想睇到嘅係：
有實體地舖或者倉庫，係一個相當大嘅加分點，但唔係決定成敗嗰項。整理得清晰、有條理嘅文件，往往比一個地址更有用。
工程公司開戶最常卡喺「解釋唔清楚自己做緊咩」。CatcherBiz 可以幫你整理業務資料同業務計劃，再一齊處理開戶——唔使自己對住銀行嗰疊表格頭痕。
兩樣，冇得慳：
| 要求 | 唔做嘅後果 | |
|---|---|---|
| 強積金 | 18–64 歲、連續受僱 60 日或以上須參加；僱主須於首 60 日服務期內登記；僱主僱員各供 5% | 刑事罪行；欠款加 5% 附加費，最高罰款 $450,000 及監禁 4 年 |
| 勞工保險 | 為僱員投購僱員補償保險，受僱期間持續有效 | 刑事罪行 |
工程行業嘅勞保保費一定比其他行業高——因為意外機會確實高啲。但呢個正正係唔可以慳嘅原因。一單工傷嘅賠償，可以係全年保費嘅幾百倍。
⚠️ 記住：僱員每月有關入息低過 $7,100 嘅話，僱員唔使供強積金，但僱主仍然要供 5%。呢一格最多人漏。
兩個方法，兩個都得：
① 出糧畀自己。 呢筆薪金係公司支出，可以扣減；同時你個人有薪俸稅免稅額同各項扣除。喺免稅額範圍內，個人實際要交嘅薪俸稅可以好低。額外好處：有穩定收入證明，將來申請信用卡或者按揭都用得着。⚠️ 但如果構成僱傭關係，你自己嗰份強積金同勞保一樣要處理。
② 董事袍金（Director's Fee）。 計算方式同上面差唔多，最終一樣計入你嘅薪俸稅。
兩者點樣配搭最有利，要按公司利潤水平、你個人其他收入同家庭狀況計。呢個唔應該靠估——差幾個百分點，一年落嚟嘅金額唔細。
銀行過數最好。 會計同報稅時每筆都對得返，有糾紛時亦有紀錄。
但做工程實務上難免要出現金。咁樣嘅話，兩件事一定要做：
呢條係整篇最值錢嘅一條，因為好多老闆答應咗都唔知自己蝕緊。
先講清楚結構：一筆錢由 A 付去 B，稅局總之要喺當中收稅。 分別只係收公司嘅利得稅，定係收嗰個人嘅薪俸稅。
如果對方唔申報、亦冇正式紀錄，咁呢筆錢就唔可以作為公司支出扣減。
計一計：
| 有正式紀錄 | 冇紀錄 | |
|---|---|---|
| $200,000 可唔可以扣 | ✅ 可以 | ❌ 唔可以 |
| 對公司應評稅利潤嘅影響 | 減少 $200,000 | 不變 |
| 按有限公司首 200 萬 8.25% 計 | — | 多交約 $16,500 |
| 最終邊個孭 | 散工自己嘅薪俸稅 | 你間公司 |
「大家慳返」係假嘅。慳嘅係佢，蝕嘅係你。
所以傾價錢嗰陣，呢一點應該一開始就攤開講：如果對方唔肯留紀錄，你嘅實際成本高咗，價錢就要反映返。
呢個係做工程最日常嘅問題——買幾十蚊、幾百蚊嘅零件，唔可能每次都要求人哋喺單上面寫公司名，亦唔可能每次都銀行過數。
做法好簡單：
就算單上面只係寫住金額，都保存住。呢啲通常都係好實際嘅支出。
用 Excel 開一欄專門記呢啲零散支出：日期、金額、買咗咩、用喺邊個項目。
唔使每次幾十蚊都過一次——可以集合一個月或一年清算一次，備註清楚係報銷嗰個月嘅雜項支出，又或者我們到時在賬目上協助你
銀行過數紀錄 + 雜項支出表 + 原始單據，三樣夾埋就係一條完整嘅支出紀錄鏈。
⚠️ 順帶一提：《稅務條例》第 51C 條規定嘅備存業務紀錄責任，無合理辯解而唔遵從可被罰款 $100,000。所以「單太細所以唔記」呢個做法，除咗蝕稅，本身亦有風險。
睇你嘅單量。
邏輯好直接：每月處理十二次，同一年處理一次，工作量差好遠，收費自然差好遠。細規模嘅公司唔使夾硬買每月服務。
有錢隨時買得到。難嘅係「上會」（借錢分期）。
車行或財務公司借錢畀一間公司買車，要睇嘅係間公司有冇實質營業能力——最直接嘅證據就係審計報告。
但新開嘅公司根本未有審計報告（第一份利得稅報稅表一般喺成立約 18 個月後先發出）。所以：
好消息係稅務方面：只要架車確係公司用途，車價可以按資本免稅額安排扣減，日常嘅泊車費、油費亦可以計入公司支出。對於成日要落唔同地盤、運工具運料嘅工程公司，呢筆數唔細。
⚠️ 但要真係「公司用途」。私人同公司混用嘅話，扣減比例要合理處理，唔好照單全收。
做工程要顧嘅嘢已經夠多——公司形式、開戶、勞保、報稅唔應該再佔你時間。CatcherBiz 由成立有限公司、提供註冊地址到會計報稅一條龍，工程客戶我哋做開。