你可以直接當呢個 Blog 係一個香港開公司精華 Post，懶人包。創業開有限公司，幾時要註冊，註冊有限公司要幾耐(需時)加流程，成立香港有限公司要幾錢，政府費用幾💲，隨即開銀行戶口有咩要求，自己開公司創業都有咩注意事項，一次過解釋清楚比你知！
Blog Post 目錄
++++++++++++++++++++++++++++++++++++++++++++++++++++++
(我係 分隔線)
++++++++++++++++++++++++++++++++++++++++++++++++++++++
Q1. 我有個創業計劃，準備緊開公司，請問 幾時 (When) 要成立有限公司？
非常重要嘅一個問題，而好多創業朋友容易忽略嘅問題
首先，要留意無限公司 (申請BR) 同 有限公司係有分別
簡單嚟講，有限公司 = 有限責任，你希望間有限公司孭曬啲責任！
任何要簽名嘅文件，必須要由有限公司出名簽名 (租約、代理合約、服務供應商合約、供貨商合約 。。。 等等)
你有機會同人合作， Partner / 投資金額 / 權責分工 有限公司個架構，合作模式，其實都需要時間傾清楚 甚至要有專業人士幫你哋解釋同梳理一下，而唔係生意已經要上馬出發 匆匆忙忙成立咗間公司出嚟，埋下將來不和嘅伏線
開得有限公司，成本比較高，就要預咗開得成銀行戶口 咁你有無信心成立有限公司之後，就可以即刻推進申請銀行戶口？ Business Plan 你準備好未？
所以，點解我哋免費送個 Business Plan 同 Budgeting 比你，又成日提起要揾我哋傾一傾先，因為開公司，唔係比間公司你就算，目的係想幫你創業盡快開始做到生意同賺錢💲。
仲猶疑緊，到底創業用有限公司，還是無限公司❓ 一條片，11分鐘，幫您落一個性價比(風險 vs 支出) 最高嘅決定💪🏻。
Q2. 依家成立香港有限公司要幾錢？
現時註冊有限公司政府費用如下
o HKD1,720 公司註冊處註冊費
o HKD2,200 商業登記費 (1年證)
你自己一個人開公司可以做曬董事同股東 (唯一董事 + 唯一股東 = 一人有限公司架構) 如果你想自己開有限公司，可以睇一睇呢個 Blog - 開有限公司 自己註冊開公司 ，然後要留意就算自己開公司都要準備齊曬成立有限公司文件，要有 香港公司秘書 、 註冊地址 以及 香港指定代表，呢部份如果搵 Agent 幫你手，就會有額外收費
o 成立文件 公司成立文件 NNC1 + 公司章程 Articles of Association + IRBR1
o 公司秘書 要喺公司成立之後補齊法定公司備存文件， 掛名公司秘書喺公司文件入面，以及確保公司狀態合乎現行現行嘅公司條例同法規 (例如，打擊洗錢及恐怖分子資金籌集條例)
o 註冊地址 所有政府信都會寄去呢個地址，要有人收到信後識得跟進，仲有，要留有全套法定公司備存文件，有以下政府人員有機會上門進行巡查
o 指定代表 當有上門巡查時，指定代表有責任向政府人員提供協助
所以，成立有限公司，除咗要留意公司文件必須要齊，仲要留心服務上有無做返足比你，想知搵 CatcherBiz 成立有限公司要幾錢，可以睇呢個 Blog - 【香港創業】開公司前必睇❗❗無限公司 定 有限公司❓其實咩係 "公司"❓ 公司秘書有乜用❓| 送【免費】《香港開公司、揀 Agent 攻略
Q3. 註冊香港成立有限公司，通常要幾耐時間？
最快 1 日， 正常其實要 7-10 個工作天 (視乎你點計算時間 - 之前拍片有詳細講，有興趣可以睇吓 【香港創業】 開有限公司 自己註冊開公司？)
點解咁講？因為坊間都多 "1 日開公司" 服務你會見到，嚟到 CatcherBiz 個 Blog 就希望比曬成個流程同真實需時比你參考，要留意嘅係幾點：
E-Registration (網上註冊有限公司)，係會比 Paper Submission (傳統方法) 快 2-3個天左右，不過，註冊完成，你只會收到 pdf file 嘅 CI (公司成立證書) 同 BR (商業登記證)，唔會有紙版嘅證書，特別係 CI，就類似有限公司張出世紙咁，一間有限公司只有一千零一張，無得補領，所以，會有實體操作嘅生意，可能要平衡一下快2-3日同間公司成世都無紙本證書個情況先作最終決定
上面個時間，係未計 (i) 假如你係搵秘書公司處理，秘書公司因為 TCSP 牌照上打擊洗黑錢個要求，所以要先同你做一次盡職審查 (DD / KYC)； (ii) 亦未計公司註冊完成，要補返齊 Registers 同 SCR，以及幫公司訂公司印、印書仔 (Articles of Association)、出 Company Kit 個時間 - 以上兩項，每項都要加返1-2日咁啦
仲有，假如股東 (Shareholder) 係一間香港公司，咁 E-Registration 個流程會要再多少少時間，因為個 E-ID Account 係網上申請用嚟替代手寫簽名嘅步驟，咁公司申請 E-ID就要由公司董事身份提出申請，即係之前要再行多一步，先申請董事身份 E-ID。同時，你要留意因為 E-Registration 唔會有手寫簽名，所以日後有任何情況，需要用公司文件個簽名去比對是否授權簽字式樣嘅時候，就欠缺一個有公信力的證明方
Q4. 一開完有限公司係咪即刻可以去銀行開戶？仲有，搵 CatcherBiz 協助開銀行戶口係咪不成功不收費？
呢個問題都經常有客戶會提及，一般嚟講，公司文件係基本，而個重點係 "業務證明" ，如果你業務證明文件都已經準備好嘅，當然可以即刻去開戶啦
個原因好簡單，銀行同我哋 TCSP 牌照持有人一樣，要遵從 《打擊洗錢及恐怖分子資金籌集條例》，並且只會比我哋更加嚴謹，所以，未有準備，就算有限公司註冊完成都好，現時可以成功申請到公司銀行戶口嘅機會，可以話係 0
亦因為初創公司欠缺 "業務證明" 呢方面嘅資料，坊間就出現咗 "不成功不收費"，又或者 "不成功就退款" 嘅服務，無論邊一種，通常都要收咗錢💲💲先，反而就 唔多覺有 "開得成先收💲" 嘅服務
間有限公司剛剛落地，"介紹" 你去第一間先 = 銀行開戶轉介服務，開唔成，就同你講 "試" 第二間
大行開唔成，就 "請" 你去細行
"試" 到第二、三間，你自己都急啦，見 Banker 時都會問要比啲咩文件先開得成，於是點都有啲 "業務證明" 出嚟，好彩嘅，都叫做有個銀行戶口，最終申請到出嚟就唔係 "不成功"，當然就無得 Refund 扣錢之類啦
唔好彩嘅，同你玩咗大半年，係就係會 Refund 比你，不過間間銀行都有 Reject 過你間公司，咁你仲有邊間銀行可以提出申請？無銀行戶口嘅公司，你仲要唔要好？
CatcherBiz 協助開銀行戶口，就貨真價實，我哋同你做完盡職審查成立有限公司，由於個打擊洗錢個要求同銀行係相近嘅，代表好大機會可以開得成銀行戶口，重點係點樣比到銀行要嘅 "業務證明" 出嚟 一般初創公司，只要已經係我哋嘅客戶，就會送出一次免費 Review，先同你了解清楚個業務同生意內容，然後一個電郵，列舉出申請銀行所需文件清單，你覺得 Okay 可以提供得到，我哋先會出 Invoice 請你比錢。當然，要申請得到銀行戶口，又可以一 Take 過成功，就唔係咁簡單，我哋要幫你出一份 Business Plan (業務計劃書)，呢份文件就各大銀行都有提及，你查一查就知道，個 Template，下面就有 Link 可以免費 Download，但係點寫先有用，幫到成個申請過程，就真係要靠經驗，亦係我哋協助銀行開戶服務個值錢位 商業計劃書 (範本)， 商業計劃書例子 (唯讀)，創業預算分析表 (範本)，創業預算分析表例子 (唯讀)
要留意嘅係，唔好諗住 "創作" 一個計劃書，過到骨就算，講多個 Tips 比你知，初創公司用 Business Plan 開得成銀行戶口嘅，通常半年左右之後，銀行會 Check 多一次戶口入面個出入數，同 Business Plan 入面個生意、經營描述是否吻合，如果差異性頗大，好大機會銀行就直接 Freeze Account，到時個情況仲麻煩
講咗咁耐，咁搵 CatcherBiz 協助銀行開戶收幾錢💲？價錢視乎業務類型、公司架構、揀邊一間銀行而定，由 HKD2,800-5,000 不等，反而不會因為無限公司 / 有限公司，是否初創而有分別，個別曾經被銀行拒絕過嘅 Case，AML 高風險個案，需要另行報價 (P.S. 協助銀行開戶服務，暫時只提供比現有客戶)
(截圖係開銀行戶口成功個案)
Q5. 開完公司出嚟，仲有文件要補？唔齊文件有機會被罰款？
因為有限公司，文件唔齊係違反 《公司條例》，係犯法。
董事登記冊、成員登記冊、公司秘書登記冊、重要控制人登記冊
以上四(4)份文件，都係當你間有限公司成立出嚟之後，公司秘書應該要幫公司準備好，備存喺公司註冊地址嘅文件。
好似上面幅圖果幾間公司咁，無準備到而又比公司註冊處抽查時捉到，就要罰款。
其實罰款都唔算大問題，麻煩嘅係你要排期、上庭、認罪，然後先交罰款。
再之後個公司名仲要喺公司註冊處網頁上面，成為一個公開記錄，好容易就比人查得到，明顯會影響公司形象
所以，假如你係搵 Agent 幫你開公司，記得、記得、記得 (好重要所以要講三次)，個費用包唔包埋出呢幾份文件。 "未包括" 又或者 "要加錢"，咁你明係咩事啦~
當然，除咗呢四(4)份文件，法團開業表格 (IRBR200)、公司印章、首次董事決議、股票證書 。。。 其實都係開完公司出嚟之後仲要跟進嘅工作，咁無做到，你唔會即時察覺到有問題，但係好大機會要喺手嘅時候，你當一刻付出嘅時間同金錢💲，係多好多 (例如：去開銀行戶口，約咗見 Banker，上到去先話張 BR 仲未開業，業務性質仲寫係 "CORP"，要補返張新嘅先Okay，於是，一係你自己要跑多轉商業登記署，再上返銀行比文件 Banker = 跑兩(2)轉，又或者你額外比錢間 Agent 做，呢到又唔見咗3-4日時間~)
反而 "綠盒、鋼印" 就非必要，除非你知道係咩嚟之後都想比錢買套 "文房四寶" ，當靚靚Display 咁做擺設啦~ (法團印章要求已取消)
感謝你 🙇🏻♂️🙇🏻♂️🙇🏻♂️ 睇到最後 ，希望你感受到 CatcherBiz 真誠想幫你創業嘅心意😊，假如你想搵我哋傾下，歡迎你 email 我哋 - catcherbiz@outlook.com，喺下面留 Comment，Facebook PM 或者 WhatsApp (9163 3431) 我哋都可以， 希望點都幫到你手。開公司唔只係滿足法律要求，仲可以幫你手創業盡快上軌道，有興趣可以睇呢個 Blog - 【香港創業】開公司前必睇❗❗無限公司 定 有限公司❓其實咩係 "公司"❓ 公司秘書有乜用❓| 送【免費】《香港開公司、揀 Agent 攻略
2021.09.17 更新 - 延至閱讀
針對註冊有限公司之後兩年期會發生嘅事，為你解釋清楚以下五(5)個問題，幫你手💪🏻一齊計劃好，做到慳錢💲、慳稅、慳時間⏰，等你可以集中火力創業、賺錢💲、搵生意 ❗
Q6 成立有限公司，第二年 "年檢" 有咩 Tips 可以分享吓？
Q7. 成立有限公司，做數 (會計、審計、報稅) 有咩方法平啲，可以慳錢💲又慳稅？
Q8. 講開 Audit (審計)、報稅，咁 CatcherBiz 會幫手安排嗎？收幾錢？
Q9. 有限公司頭兩(2)年要留意嘅事都比你講曬，仲有無咩容易忽略嘅事？
Q10. 開公司，諗諗吓，我都係想搵人幫手，有咩方法可以搵到間好嘅 Agent (公司秘書公司) ？
Comentarios