三(3) 個套餐服務按實際需要揀選就可以 HKD2,000 成立有限公司 (最基本，齊文件) HKD3,500 成立有限公司 + 一年公司秘書 HKD5,000 成立有限公司 + 一年公司秘書 + 一年公司註冊 及 收信地址 + 一年公司指派代表 (套餐優惠只適用於公司架構少於三(3)層， 董事股東不超過三(3)位並使用香港身份証註冊之香港有限公司， CatcherBiz 保留最終決定權) ※ 套餐價錢已為 折實價 ※ 以上收費 不包括 政府費用 (申請費 HKD1,720， BR 費用 HKD250) ※ 選用公司註冊地址套餐，必須 同時委任 CatcherBiz 為指派代表 ※ 任何套餐服務，註冊完成，均會即時再送上《創業禮物包》

*** 不是 *** 首先，"綠盒套裝"、"精美綠盒套裝"、"公司燙金綠盒" 全部都係 "文具"，包括： 。一個綠皮硬紙盒，載住所有文具 。一本硬皮單行記錄簿，空白內容，用嚟記低股東、董事、秘書資訊，基本上依家已經全部電子化，公司登記冊 Print 出嚟 + pdf file 比你，唔會再手寫 = 無用 。20本公司章程，同上，基於業務電子化，要用到 Hard Copy 公司章程巳經少咗好多，主要係 銀行開戶 / 借貸、申請牌照、公司轉股、跨境工作上律師樓做核正 之類，所以印刷幾本是需要，但 20本 。。。 似乎就有啲多啦~ 。空白股票證書簿，又係啦~ 股票證書全部都係 Print 出嚟 + 董事簽署蓋章，又係唔會再手寫 = 無用 。最後，鋼印。其實自從 《新公司條例》出台，鋼印已非必要，特別係一人公司 (董事股東均為你本人)，因為鋼印要兩位公司授權人簽署 (一般喺公司章程尾二果版註明權限安排) ~ 內容大約係咁 如果公司架構只有你一個人，咁每次你要用鋼印，就要搵公司秘書簽署先得，於是 = 多舊魚 + 比錢公司秘書洗~ 咁咩時候間公司先需要鋼印呢？ 一般係集團式架構嘅公司，或者投資者同董事分開兩批人先會選用，個目的係由 母公司 / 投資方 持有鋼印，並且喺公司章程訂明權限安排，以免公司董事權力過大，用公司去借貸，變賣公司資產之類；所以，一般初創公司，又係 = 無用 成立有限公司，最重要係文件齊同間秘書公司有料到，適得點樣用公司架構保障你嘅權益，幫你手創業，而唔係同你講買一堆無用嘅 "文房四寶" 係必須~ 之但係出面好多間 Agent 都有呢個綠盒套裝賣喎，點解呢？ 因為 利潤高 吖嘛，你唔識嘅~ 整到出嚟靚靚仔仔，同你講值 HKD500-600，多一筆收入，唔好咩~

Okay，免費大贈送，講多樣行內秘密比你知 https://e-services.judiciary.hk/dcl/index.jsp?lang=tc Click 到入去，留意返。九龍城裁判法院。西九龍裁判法院。東區裁判法院 就可以搵到 每個星期 。YES。 EVERY WEEK！！ 因為有限公司未有被管理好，比政府告上庭加罰款嘅個案，當然，係咪所有唔合規嘅公司都會比政府捉得到？絕對唔係！不過，每星期都有一堆公司比政府告，呢個係事實，咁你創業做生意，係靠運氣，搏政府捉唔到吖，還是揀一間可靠嘅秘書公司幫你管理好間公司呢？值得你諗一諗~ 咁點解咁多公司比政府罰？因為當你身陷險境，幫你拆蛋先可以收得貴之餘，仲令你感恩戴德，離不開佢吖嘛~ (行內秘密，千奇唔好講比人知 🙏🏻，斷人米路，猶如殺人父母 😓)

重要，好重要，同非常重要！！！ 成立有限公司，註冊同成立有限公司個費用其實並唔係最貴，第二年個支出先係最考驗創業者嘅時刻。 年檢 - 政府費用 + 秘書公司收費 假如你只需要 公司秘書 服務，咁收費就係 HKD2,000 + 政府費用啦~ 會計、審計 + 報稅 由於有限公司要出具審計報告嚟申報利得稅，呢部份支出往往喺成立公司時都忽略 咗，所以要溫馨提示一下 😊 Budget 差不多要預 HKD12,000- (市場價) 。會計 Accounting HKD3-5k + 審計 Audit HKD6-8k (Source from FreeHunter + HelloToby) 要留意，因為初創頭 1-2年 一般都係投資時期，入貨、宣傳、廣告，網頁製作 都係要先投入費用，然後慢慢儲客，儲知名度增加收入，到收入超過支出，業務先開始上軌道。所有，當第二年要比過萬嘅會計、審計費用，會比起一開始成立公司個費用難上好多好多。未有預定 Budget 同心理準備，往往到第二年就因為未有足夠生意而選擇放棄 (註：- 唔係無生意！)，好多其實只要比多啲時間落去，就可以成功。 所以，CatcherBiz 情願坦坦白白做生意，比個實價你開有限公司，盡力花心機，盡力比多啲創業工具，幫你手盡快開到銀行戶口，先自己可以做 Book-keeping，做足會計記錄，就係希望第二年 會計、審計 + 報稅 可以幫你慳錢、慳稅、慳時間，咁先可以真正幫你成功創業。講真，勉強平一千幾百成立有限公司，乜服務都比唔到，最終資金頂唔到公司上軌道，我認為完全無意義~ 假如你 Budget 真係比較緊湊，但又想盡快開展創業大計嘅，我哋真心建議你不如考慮先用住無限公司起步先，創業用無限公司個問主要都係喺 "風險" 果部份，咁嘅話大可以暫時唔接高風險生意，或者用外判方式控制風險。之後賺到錢，開拓到客源，有穩定生意再成立有限公司都可以吖，搵我哋傾一傾就，辦法總比困難多 💪🏻

唉 ~ 又係斷人米路嘅行內秘密~ 希望講出嚟盡量唔好得罪人，又令你了解背後真實一面 Okay，絕大多數創業朋友，講真都未必會熟悉《稅務條例》同稅局抽查、罰款之類嘅準則，淨係知道 ~審計報告~ 係必須嘅，於是，邊間平、要求文件比較少、無咁麻煩，咪揀邊間囉~ 咁間會計服務公司會唔會教你點樣做 Book-Keeping，保留必須會計記錄？ *** 唔會！！ *** 又會唔會講解稅局抽查 Case 去作出調查嘅準則？ *** 唔會！！ *** 更加唔會講比你知 Audit Report (審計報告) 出 Qualified Opinion (保留意見) 個影響啦 ~ 於是，由得你會計、審計繼續儲唔齊會計文件，帳目混亂 然後就大條道理 Audit Report 出 Qualified Opinion 佢就慳水慳力，因為無乜文件要 Check，老闆你話條數係支出就支出 (食飯、交通、私人支出都唔理)，無文件 Support 都無問題，NO Question Ask，令你比嘅利得稅偏低 (甚或直接唔洗交稅)，你當然開心啦~ 仲可以年年都比個靚價你做數加報稅，並且特快出到個 Audit Report 比你，一定唔會遲。成件事感覺咁優質嘅服務，你當然唔會想轉第二間啦~ 過幾年，某一日，稅務查稅，稅局當然唔會話比你知因為間公司年年出 Qualified Opinion 所以查你啦～亦唔會比你睇下面呢段 《稅務條例釋義及執行指引》，原來保留意見、利潤偏低 ，會計記錄唔齊 全部中曬，稅局唔查你查邊個？ 建議上 Google Search "Qualified Opinion 影響"，你會發現，好多收得特別平嘅會計服務公司都唔好有任何 Content 提醒你相關嘅影響，反而一 Search "會計服務"，就一堆 Result 吸引你嘅目光希望你幫襯佢，你就明白啦~ 實際情況係點呢？舉一個曾經搵 CatcherBiz 求助嘅 Case 講解比你知。簡單而言，個 Audit Report 直接將公司成盤數最緊要，最大果 三(3) 數據出 Qualified Opinion，重要第一段第一句寫到明係 "lack of Important audit evidence" "欠缺重要審計證據" 等稅局留意唔到都無辦法，咁又係果句啦 ~ 稅局唔查你查邊個？ 到果一刻先嚟後悔，可能已經太遲～ 你間公司比稅局查緊，要搵一間新 Agent 接手，你估仲有無 Agent 願意收得平幫你做 Audit？難啲啦～ 就算你願意改返啱曬啲會計記錄，係合乎稅務條例嘅，你估所有嘢，仲要係累積咗好幾件嘅會計、審計，你認為個價錢會係幾多呢？ 於是乎，額外嘅會計、審計費用，之後稅局出嘅罰款 (稅金差額嘅 2-10倍) 中間個過程同要花嘅時間，分分鐘最終會記記錄都係唔齊，比稅局告多飛，要上庭，咁你盤生意以前賺落嘅錢，夠唔夠你撐過呢一關呢？ 最可怕嘅，係你搵唔到一間新 Agent 願意幫你，或者，根本幫唔到手，最後你發現，你已經離不開原來間 Agent 啦～ 無論你覺得佢幾咁唔專業 同 幫唔到手都好，除非你成間公司唔要，重頭喺過囉～ 之但係，呢個決定，又係唔係咁容易呢？ 所以，點解成立有限公司要送個 Book-Keeping EXCEL 比你，點解要比一堆 Sales Invoice、Quotation、Receipt Templates 比你，就係要幫你從第一天做好會計記錄，無論你第二年搵唔搵我哋幫手會計同審計嘅服務，希望點都將一份祝福送上 😊